اكتر حاجه تدايق الواحد وتنرفزة لما بيكون واقف فى المترو وهو زحمة اوى وعلى اخره
و تلاقى البنت واقفه وسط الرجاله
واقفه تقول
لا محدش يلمسنى
محدش يجى جنبى
وانت اصلا مزنوق على الاخر ومش عارف تتحرك
طب بتركبو فى عربية الرجاله ليه يا ستات !!!؟؟؟؟
الموضوع ده خدنى لحاجات كتير
وعشان كده لازم نعمل وقفه
الى هيا كده ههههه
المهم
تعالو نسمع كلام الاخت إيناس الدغيدى بتطلع تقول ان الراجل همجى مش بيعرف في المرأة غير جسمها،
والاخت التانيه الى اسمها إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه..
يعنى تيجى تعاكس البنت بعد كده تقلها يا جمال عقلك يا واد ياابو مخيخ ملبن هههههههه
ولا هالة سرحان الى بتقلك مش لازم المراه هى الى تطبخ فى البيت
يعنى كل ولد بقى يتعلم يطبخ كويس ههههههه
والأخت العزيزة سعاد حسنى السندريلا الله يرحمها تقول البنت زى الولد ماهيش كمالة عدد
كماله يعنى زى ما بتدخل محل كشرى وتاكل وبعدين مش تشبع تاخد كماله ههههه
والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع
الأنثى اللى هيه نسمة ماشية ع الأرض يا ولداه
يا جماله الولد المحترم بيعامل البنت المحترمة بكل ادب واحترام والامثلة دى بنشوفها كتير
والى مش محترمين بقى ملناش دعوه بيهم ربنا يسهلهم
المهم نرجع للمترو كفايه كلام فى السياسة ههههههه
أدخل المترو في أمان الله واقعد بعد جهد جهيد وانا شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامى بالظبط وتعلـّى صوتها
وتقول لصاحبتها:
معدتش باقدر أقف كتير يا سنية..
ترد عليها زميلتها واللبانة ف بقها:
ومين سمعك يا حبيبتشى..
الدكتشور قال لى انى لو وقفت على رجلى خمس دقايق هارجًّع ع اللى قدامى علطول
تقوم انت طبعا بمنتهى الرجولة تقوم وتقعدها
وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟
ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى علينا
افرض بقى حضرتك غلط غلطة عمرك ودخلت عربية الحريم
يالهووووووووووووووووووووووى
تسمع بقى كلام زى الفل
أولالا..سوفاااج..سوهاج..راجل؟؟
..واللى تحط وشها في الأرض من الكسوف..
واللى تقول أوووه.. راجل..فانتستيك..
صلاة النبى..
كفااااااااااااااية بقى اتخنقت
انا اطالب من هذا المدنق هههههه
اولا المساواه مع البنات
ثانيا عايزين حقوق الرجاله
ثالثا عايزين عربية للرجاله بس ابوس ايدكم
رابعا الغاء مترو الانفاق ههههه
خامسا مفيش خامسا
سادسا يارب يعجيكم الموضوع سلام عليكم
منقول